Prezidentimizdiń xalqımızǵa hám Oliy Majliske Múrájatı jáne "Ózbekstan - 2030" strategiyasında belgilengen tiykarǵı wazıypalardıń mazmun-mánisi boyınsha seminar bolıp ótti.
2026-01-24 20:00:00 / Министрлик
Ózbekstan Respublikası Prezidenti Shavkat Mirziyoevtiń Oliy Majlis hám Ózbekstan xalqına Múrájatı hám "Ózbekstan - 2030" strategiyasında belgilengen tiykarǵı wazıypalardıń mazmun-mánisin keń jámiechilikke jetkeriw maqsetinde Kegeyli rayonında Xalıq deputatları rayonlıq Keńesi deputatları, máhálle baslıqları, hákim járdemshileri, hayal-qızlar belsendileri, jaslar jetekshileri hám kárxana-shólkemlerdiń qatnasıwında seminar ótkerildi.
Onda sózge shıqqan tiyisli shólkemler jıynalǵanlarǵa múrájat boyınsha belgilengen temalarda túsindirip berdi.
Onda mámleketimiz basshısı tárepinen alǵa qoyılǵan áhmietli baslamalar, jámiyetlik turmıstıń barlıq tarawların qamtıp alǵan reformalar, insan qádirin ulıǵlaw, sociallıq ádillikti támiyinlew, jaslar hám hayal-qızlardı qollap-quwatlaw, bilimlendiriw hám mádeniyat tarawların rawajlandırıwǵa qaratılǵan tiykarǵı baǵdarlar boyınsha tolıq maǵlıwmatlar berildi.
Rayon hákimi orınbasarı A.Tóremuratov 16 máhállede Ózbekstan Respublikası Prezidenti Shavkat Mirziyoevtiń Oliy Majlis hám Ózbekstan xalqına Múrájatı hám "Ózbekstan - 2030" strategiyasında belgilengen tiykarǵı wazıypalardıń mazmun-mánisin keń jámiechilikke jetkeriw boyınsha reje tiykarında shólkemlestiriw jumısları, seminarlar, xalıq arasında dógerek sáwbetlerin ótkeriw boyınsha tapsırmalar berdi.