Qaraqalpaqstan Respublikası Kegeyli rayonı hákimligi

Qaraqalpaqstan Respublikası Ministrler Keńesiniń Korrupciyaǵa qarsı ishki qadaǵalaw bólimi baslıǵı B.Matmuratov, Departamenttiń Qaraqalpaqstan Respublikası basqarmasınan R.Sadikov penen birgelikte  Kegeyli rayonında korrupciyanıń aldın alıw hám oǵan qarsı gúresiw boyınsha úgit-násiyat ilajların ótkerdi.

Sapar dawamında rayonlıq medicina birlespesi hám Mádeniyat mákan puqaralar jıyınında úyreniw jumısları alıp barıldı.

Úyreniw procesinde,  puqaralar ushın korrupciya jaǵdayları boyınsha múrájat etiw imkaniyatın beretuǵın isenim telefon nomerleri jazılǵan málimleme qaǵazları shólkem imaratınıń kórinetuǵın orınlarına ildirip qoyılıwı zárúrligi atap ótildi.

Ilajlar dawamında xızmetkerler hám máhálle turǵınları menen ashıqtan-ashıq sóylesiw ótkerilip, korrupciyanıń unamsız aqıbetleri, onı keltirip shıǵaratuǵın faktorlar hám oǵan qarsı gúresiwdiń huqıqıy mexanizmleri haqqında túsinikler berildi.