Bas Ministrdiń orınbasarı Kegeyli rayonında boldı
2025-10-26 13:45:00 / Министрлик
Búgin Ózbekstan Respublikası Bas Ministriniń orınbasarı - Shańaraq hám hayal-qızlar komitetiniń baslıǵı Z.Mahkamova hám Qaraqalpaqstan Respublikası Ministrler Keńesi baslıǵınıń orınbasarı M.Ahmedova Kegeyli rayonında boldı.
Sapar dawamında olarǵa rayon hákimi A.Kamalov hám rayonlıq Shańaraq hám hayal-qızlar bóliminiń baslıǵı G.Xojambergenova joldaslıq etti.
Dáslep juwapkerler Qumshúngil APJ aymaǵında shólkemlestirilgen 5 gektar maydanda nál jetistiriw joybarı menen tanıstı. Bul joybar hayal-qızlardıń bántligin támiyinlew hám olardıń dáramat dáregin jaratıwǵa qaratılǵan bolıp, búgingi kúnde 25 hayal-qız jumıs penen támiyinlenedi.
Sapar sheńberinde joybardıń ámelge asırılıwı, onıń keyingi basqıshları jáne hayal-qızlardıń bántligin bunnan bılay da keńeytiw boyınsha wazıypalar belgilep alındı.