Eger orın iyesi ulıwma múlkine kórsetilip atırǵan xızmetten qanaatlanbasa májbúriy tólemlerdi tólemewge huqıqı bar ma?

Joq, eger múlk iesi úyge kórsetilip atırǵan xızmetten qanaatlanbasa, ol bul máseleni shirket basqarıwın, basqarma baslıǵın saylaw hám olardıń wákilliklerin múddetinen aldın toqtatıw wákilligine ie shirket aǵzaları ulıwma jıynalısına kirgiziwi kerek.

Men jasap atırǵan kvartiradan ótken suwıq suw qubırın ózimniń esabımnan almastırdım. Shirkat meniń qárejetlerimdi kommunallıq xızmet tólemlerine ótkeriwdi qálemey atır. Siz qanday másláhát beresiz?

Siz dáslep eski suw trubaların almastırıw haqqında shirket penen kelisip alıwıńız kerek edi, keyin remont jumıslarınıń sońında islengen jumıslardı hújjetlestirip olarǵa beriwińiz kerek edi. Sonday-aq, hújjetke qubırlardı satıp alǵanıńız hám orınlanǵan jumıslar ushın tólegen pulıńızdı tastıyıqlaytuǵın chek qosımsha etiledi. "Jeke turaq jay múlk ieleri shirketleri haqqında"ǵı Nızamnıń 30-statyasında ayırım jaǵdaylarda shirket aǵzalarınıń ulıwma jıynalısı jay múlk iesi tárepinen májbúriy tólemlerdiń bir bólegin tólewdiń pul formasın onıń ulıwma qárejetlerdegi qatnasınıń basqa túrlerine almastırıw haqqında qarar qabıl etiwi múmkin ekenligi kórsetip ótilgen. 

Yuridikalıq hám fizikalıq shaxslardıń transport quralların dizimnen ótkeriw boyınsha arzaların kórip shıǵıw tártibin túsindiriń?

Transport quralların qayta dizimnen ótkeriw Ózbekstan Respublikası Ministrler Kabinetiniń 1997-jıl 26-maydaǵı 256-sanlı qararı tiykarında ámelge asırıladı.

JPX organlarında yuridikalıq yamasa fizikalıq shaxslarǵa tiyisli transport quralları iesi kárxana yamasa shólkemniń jazba arzası puqaralar ushın jeke pasport yamasa onıń ornına berilgen hújjet, transport quralın nızamlı satıp alınǵanlıǵın, dizimnen ótkeriw ushın belgilengen jıyımlar tólengenligin tastıyıqlawshı hújjetler tiykarında dizimnen ótkeriledi. 

Yuridikalıq shaxslar transport quralların dizimnen ótkeriwde yuridikalıq shaxstıń mámleketlik dizimnen ótkerilgenligi haqqındaǵı gúwalıqtıń nusqasın usınadı.

Transport quralları olardı dizimge alıwdan aldın aymaqlıq qorǵanıw isleri boyınsha bólimlerde dizimnen ótkeriledi yamasa dizimnen shıǵarıladı.

Jańadan shólkemlestirilgen shólkem hám kárxanalardı avtokárxanalardı dizimnen ótkeriw waqtında transport quralların saqlaw ushın jeterli orın maydanı (garaj, avtosaray) bar ekenligi yamasa bunday orın ijaraǵa alınǵanlıǵı haqqındaǵı shártnamanıń nusqası, aymaqlıq JPX uyımı tárepinen usı orınnıń kórikten ótkerilgenligi haqqındaǵı akt usınıladı.

Transport quralları tómendegi jaǵdaylarda qayta dizimnen ótkeriledi: 

Transport qurallarınıń turaq jayı yamasa iesiniń jasaw ornı ózgergende, tómendegi hújjetler tiykarında:

belgilengen tártipte arza;

texnikalıq hújjet (dizimge alıw gúwalıǵı, texnikalıq pasport, texnikalıq talon);

kárxana hám shólkemler transport qurallarınıń turǵan ornı ózgeriwine tiykar bolǵan hújjet (buyrıq, ijara shártnaması, hákimlik qararı);

transportlardıń turǵan ornın aymaqlardaǵı JHQB uyımları tárepinen kórikten ótkerilgenligi haqqındaǵı akt;

Shólkemniń ataması, iyesiniń familiyası, atı hám ákesiniń atı ózgergende, tómendegi hújjetler tiykarında:

belgilengen tártipte arza;

atı ózgergenligin tastıyıqlawshı hújjet (buyrıq, biylik, qarar);

puqaralar ushın jeke pasport, familiyası, ismi hám ákesiniń atı ózgergenligin tastıyıqlawshı hújjet (puqaralıq halatı aktlerin jazıw uyımı yamasa sud uyımı tárepinen berilgen hújjet).

Iyesi ózgergende, tómendegi hújjetler tiykarında:

belgilengen tártipte arza;

notarial uyımları tárepinen berilgen aldı-sattı, sawǵa, almasıw shártnamaları, miyrasxorlıq, miyras hám múlkke iyelik etiw huqıqın beriwshi gúwalıqlar;

sud qararı;

Ózbekstan Respublikası Mámleketlik múlk komiteti organları tárepinen berilgen order;

shetten alıp kelingen hám bajıxana qadaǵalawı astında turǵan transport quralları ushın bajıxana uyımı tárepinen beriletuǵın arnawlı gúwalıq. 

Sırt el puqaraların joqarı bilimlendiriw mákemelerine qabıllaw qanday tártip tiykarında ámelge asırıladı?

Sırt el puqaraların Ózbekstan joqarı bilimlendiriw mákemelerine qabıl etiw Ministrler Kabinetiniń "Sırt el puqaraların Ózbekstan Respublikası bilimlendiriw mákemelerine qabıl etiw hám oqıtıw tártibin jetilistiriw haqqında"ǵı 2008-jıl 4-avgusttaǵı 169-sanlı qararına muwapıq ámelge asırıladı.

Sırt el puqaralarınıń hújjetleri Ózbekstan Respublikası puqaraları ushın belgilengen múddetlerde yaǵnıy bakalavriatqa kiriw ushın 20-iyunnan 20-iyulǵa shekem, magistraturaǵa kiriw ushın 1-iyuldan 30-iyulǵa shekem qabıl etiledi. Belgilengen tártipke muwapıq sırt el puqaraları hújjetlerin tiyisli joqarı bilimlendiriw mákemesiniń Qabıllaw komissiyasına tikkeley tapsırıwı kerek. 

Sırt el puqaraları bakalavriatqa Ministrler Kabineti janındaǵı Mámleketlik test orayı tárepinen hár jılı 1-avgust kúni ótkeriletuǵın test sınaqlarınıń nátiyjeleri tiykarında qabıl etiledi. Magistraturaǵa bolsa joqarı bilimlendiriw mákemeleri tárepinen erkin túrde shama menen 1-10-avgust aralıǵında shólkemlestiriletuǵın kiriw imtixanlarınıń nátiyjesi tiykarında qabıl etiledi.

Sırt el puqaraların studentler qatarına qabıl etiw Ministrler Kabineti janındaǵı Ózbekstan Respublikası Bilimlendiriw mákemelerine qabıllaw boyınsha Mámleketlik komissiyasınıń qararı tiykarında test sınaqları (bakalavriat ushın) yamasa kiriw imtixanları (magistratura ushın) nátiyjelerine bola ámelge asırıladı. 

Ekinshi qabattaǵı qońsılarımız balkondı keńeytti hám endi ol aynamızdıń tóbesinde qáwip tuwdırıp tur. Kvartiraǵa jaqtılıq az túsetuǵın boldı, bunnan tısqarı, bizdi bir soraw oylandıradı: balkonnıń konstrukciyası qanshelli bekkem? Nızam kózqarasınan olardıń háreketlerine jol qoyıladı ma? 

Dáslep, balkonnıń maydanı anıq qanshaǵa keńeytilgenligin túsinip alıw kerek. Eger bul shıǵarıp ayna salıw, gúller ushın teksheler yamasa balkondi sırtqı tárepten qaplap ıssı etiw esabınan 25-30 sm ge keńeytiw bolsa, balkon maydanın bunday keńeytiwde mashqala bolmaydı. Qaralıp atırǵan jaǵdayda obekttiń kólemi menen maydanınıń ózgertiliwin názerde tutatuǵın obektti rekonstrukciyalaw jaǵdayı bar. Bunıń ushın Obektti qayta qánigelestiriw hám rekonstrukciyalawǵa ruxsat beriw tártibi haqqındaǵı rejege1 muwapıq sheklenbegen ámel etiw múddetine beriletuǵın ruxsatnamanı alıw kerek. Sonıń ushın, qońsılardıń ruxsatnaması bolǵan jaǵdayda olardıń háreketleri nızamlı boladı. Eger ruqsatnama bolmasa bul qala qurılısı qaǵıydaların buzıw bolıp esaplanadı hám siz dawa menen sudqa yamasa shaǵım menen Namangan wálayatı Arxitektura hám qurılıs bas basqarmasına hám rayon (qala) lar arxitektura hám qurılıs bólimlerine múrájat etiwińiz múmkin.