Baspasóz konferenciyasında «Cyber Month» ilajları haqqında maǵlıwmatlar berildi
2025-11-04 16:10:00 / Media ilajlar
Ilajǵa Qaraqalpaqstan Respublikası Ministrler Keńesi, Ishki isler ministrligi, Oraylıq banktiń juwapker xızmetkerleri, ǵalaba xabar quralları wákilleri, málimleme xızmeti basshıları, jurnalistler hám blogerler qatnastı.
👨✈️Baspasóz konferenciyasında sózge shıqqanlar sońǵı waqıtlarda xalqımız arasında bank kartaları menen baylanıslı urlıq hám aldawshılıq jaǵdayları kún sayın artıp baratırǵanlıǵın málim etti.
🔖Atap aytqanda, usı jıldıń ótken 10 ayı dawamında 2618 puqara kiberjınayatlardan jábirlenip, 27 milliard sumnan aslam qarjılar talan-taraj etilgeni boyınsha ishki isler uyımlarına múrájat etken.
☝️Múrájatlardıń:
➖ 36 procenti sociallıq tarmaqlardaǵı viruslı .apk fayllar hám basqa qosımshalardı júklep alıw aqıbetinde;
➖ 15 procenti tovar hám xızmetler ushın aldın ala pul ótkerip beriwi aqıbetinde;
➖ 15 procenti pulların kóbeytiw maqsetinde jalǵan treyderler hám investorlarǵa iseniwi aqıbetinde jábirlengen adamlardan kelip túsken.
🔹Bul túrdegi jınayatlardıń erte aldın alıw, puqaralardıń zamanagóy kiberqáwiplerden xabardarlıǵın hám sanlı sawatlılıǵın arttırıw maqsetinde ótkerilip atırǵan «Cyber Month» ilajlarınıń áhmiyeti atap ótildi.
🔸Sonday-aq, aylıq sheńberinde ámelge asırılatuǵın úgit-násiyat ilajları, seminar-treningler, ushırasıwlar, akciyalar hám túrli tańlawlar haqqında tolıq maǵlıwmatlar berildi.
⁉️Ilaj qatnasıwshıları ózlerin qızıqtırǵan sorawlarǵa qánigelerden juwap aldı.