Gezektegi qabıllaw ótkerildi
2025-10-29 13:35:00 / Ministrlik
Gezektegi qabıllaw ótkerildi
Búgin Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı M.Axmedova óziniń jeke qabıllawın ótkerdi.
Onda túrli aymaqlardan kelgen puqaralardıń sociallıq, ekonomikalıq hám huqıqıy máselelerge baylanıslı múrájatları tıńlandı.
Qabıllaw dawamında puqaralar tárepinen bildirilgen bántlik, turaq jay, bilimlendiriw, densawlıqtı saqlaw hám sociallıq qollap-quwatlawǵa baylanıslı máseleler ayrıqsha kórip shıǵıldı. Hár bir múrájat boyınsha juwapker shólkemlerdiń basshılarına tapsırmalar berildi hám orınlanıwın qatań qadaǵalawǵa alıw belgilendi.
Bunday qabıllawlar puqaralardıń dárti hám táshwishlerin tıńlap, olardıń turmıslıq mashqalalarına ámeliy járdem kórsetiwde úlken áhmiyetke iye ekenin atap ótiw kerek. Sonday-aq, ashıqtan-ashıq sóylesiw arqalı xalıq hám mámleket arasındaǵı birge islesiwdi bekkemlewge xızmet etpekte.