Qaraqalpaqstan Respublikası Mádeniyat ministri Begisbay Temirbaev basshılıġında mádeniyat hám kórkem óner tarawında ámelge asırılıp atırġan jumıslar boyınsha baspasóz konferenciyası hám ĠXQ wákilleri menen ashıq sáwbetlesiwi
2025-09-18 09:50:00 / Media ilajlar
Qaraqalpaqstan Respublikası Mádeniyat ministrligi janında shólkemlestirilgen mámleketlik emes kommerciyalıq emes mádeniyat hám kórkem ónerdi rawajlandırıw shólkemi "ART KARAKALPAKSTAN" tárepinen Oliy Majlis janındaǵı Puqaralıq jámiyetlerin qollap-quwatlaw institutların qollap-quwatlaw Jámiyetlik fondınıń sociallıq buyırtpası tiykarında "Ustaxana-milliy miyras" joybarı boyınsha Nókis rayonınan "Qaraqalpaqstan Respublikasında Oraylıq Aziya xalıqlarınıń milliy muzıka ásbapların (qobiz, duwtar, shıńqobiz, girjek hám muzıka ásbapları) islep shıǵarıwshı ustaxana qurıladı.Bul haqqında Mádeniyat ministri B.Temirbaev baspasóz konferenciyasında málim etti. Qaraqalpaqstan Respublikası Mádeniyat ministrligi hám Tólepbergen Qayıpbergenov atındaǵı mádeniyat hám ádebiyattı qollap-quwatlaw fondı menen birgelikte Ózbekstan Qaharmanı, Ózbekstan hám Qaraqalpaqstan xalıq jazıwshısı Tólepbergen Qayıpbergenovtıń muzeyi shólkemlestiriledi.
2023-jıldan óz jumısın baslaǵan "Yosh" estrada joybarı 2026-jılı Ózbekstan Respublikası boyınsha ámelge asırıladı. Yaǵnıy, endi joybarda Tashkent qalası hám wálayatlardaǵı qábiletli jaslar da qatnasa aladı.