Nókis qalasındaǵı IT-park imaratında "Kiberqáwipsizlik orayı" MUK Sanlı texnologiyalar ministrliginiń Qaraqalpaqstan Respublikası aymaqlıq basqarması menen birgelikte "Kiberqáwipsizlik klubı" filialınıń ashılıwı bolıp ótti
2025-08-30 12:15:00 / Ministrlik
Nókis qalasındaǵı IT-park imaratında
"Kiberqáwipsizlik orayı" MUK Sanlı texnologiyalar ministrliginiń Qaraqalpaqstan Respublikası aymaqlıq basqarması menen birgelikte "Kiberqáwipsizlik klubı" filialınıń ashılıwı bolıp ótti
Xabarıńız bar, elimizde sońǵı jılları kiberqáwipsizlik tarawına úlken itibar qaratılmaqta. Búgingi kúnde málimleme texnologiyalarınıń jedel rawajlanıwı kiberqáwipsizlik máselelerin áhmiyetli wazıypalardan birine aylandırmaqta.
"Kiberqáwipsizlik klubı" tarawǵa qızıǵıwshı, aldınǵı jaslardıń málimleme hám kiberqáwipsizlikti támiyinlew tarawında tájiriybe almasıwı ushın maydan jaratıw, málimleme qáwipsizligi insidentlerin monitoring etiw hám olarǵa juwap beriw boyınsha sırt mámleketlerdiń aldınǵı tájiriybelerin úyreniw jáne kibermákan strukturası hám onıń islew principleri, Internet paydalanıwshıları ushın bar qáwip-qáterler, málimleme etikası qaǵıydaları hám normaları haqqında túsiniklerin qáliplestiriw maqsetinde shólkemlestirildi.