Respublikamız qurılıs tarawındaǵı baǵdarlamalardıń orınlanıwın támiyinlew boyınsha májilis ótkerildi
2025-08-16 20:00:00 / Ministrlik
Májiliste Respublikamızda alıp barılıp atırǵan qurılıs hám abadanlastırıw jumısları, bar mashqalalar hám olardıń sheshimleri boyınsha juwapkerlerdiń qatnasıwında hár tárepleme kórip shıǵıldı. Qararlarda kórsetip ótilgen tapsırmalardı óz waqtında hám sapalı orınlaw, joybarlaw-smeta hújjetleri jáne qarjı dáreklerinen aqılǵa uǵras paydalanıw máselelerine ayrıqsha itibar qaratıldı.
Sonday-aq, májiliste bilimlendiriw mákemeleri, atap aytqanda, mektep hám baqsha qurılısları, sociallıq taraw obektleri hám basqa da baǵdarlamalar sheńberindegi joybarlardı ámelge asırıw, olarda jaratılıp atırǵan sharayatlardı ele de jaqsılaw, zamanagóy talaplar tiykarında qurılıs jumısların shólkemlestiriw, obektlerdi belgilengen múddetlerde paydalanıwǵa tapsırıw máseleleri de dodalandı.
Májilis juwmaǵında Ministrler Keńesiniń Baslıǵı tiyisli basshılarǵa anıq tapsırmalar berip, ámelge asırılıp atırǵan joybarlardıń turaqlı qadaǵalawda bolıwı hám olardıń sapa dárejesine qatań ámel etiliwi zárúrligin atap ótti.