Ázerbayjanlı investor menen áhmiyetli ushırasıw bolıp ótti
2025-08-08 18:45:00 / Ministrlik
Búgin Qaraqalpaqstan Respublikası Ministrler Keńesiniń Baslıǵı F.Ermanov Ázerbayjan Respublikası "Farchitects" kompaniyasınıń direktorı F.Safguliev penen ushırasıw ótkerdi.
Ushırasıw dawamında investor tárepinen Qaraqalpaqstan Respublikasında ámelge asırılıwı rejelestirilip atırǵan joybarlar, atap aytqanda, Respublikamızda zamanagóy baqsha hám mektep imaratların qurıw boyınsha prezentaciya ótkerildi.
F.Safguliev tárepinen usınıs etilgen bul joybarlar Qaraqalpaqstanda bilimlendiriw sistemasın rawajlandırıwǵa qaratılǵan bolıp, olardıń tolıq biyǵárez (qáwenderlik tiykarında) ámelge asırılıwı rejelestirilgen.
Ushırasıw juwmaǵında tárepler óz-ara birge islesiwdi jáne de bekkemlew hám belgilengen joybarlardı ámeliyatqa engiziw boyınsha pikir alıstı.