Shımbay rayonında Húrmetli Prezidentimizdiń "Respublika aymaqların jedel kompleksli rawajlandırıw ushın tańlap alınǵan rayon (qala) larda ámeliy ilajlardı ámelge asırıw haqqında"ǵı PQ-132-sanlı qararınıń orınlanıwın támiyinlew maqsetinde májilis bolıp ótt
2025-07-04 17:15:00 / Ministrlik
Onda Qaraqalpaqstan Respublikası Ministrler Keńesiniń Baslıǵı F.Ermanov shıǵıp sóylep, Shımbay rayonın 2025-2026-jıllarda jedel kompleksli rawajlandırıw baǵdarlaması sheńberinde ámelge asırılatuǵın ilajlardıń orınlanıwına toqtap ótti.
Májiliste áhmiyetli baǵdarlar boyınsha belgilengen wazıypalardıń ámeliy orınlanıwın támiyinlew, jumıs nátiyjeliligin arttırıw, xalıqtıń turmıs dárejesin jaqsılaw hám infrastruktura obektlerin rawajlandırıw máselelerine ayrıqsha itibar qaratıldı.
Sonday-aq, májilis dawamında orınlarda ushırasıp atırǵan mashqalalardı ornında sheshiw, orınlaw tártibin bekkemlew hám sociallıq joybarlardıń nátiyjeli ámelge asırılıwın támiyinlew boyınsha juwapkerlerge tiyisli tapsırmalar berildi. Májilis dawamında tiyisli taraw basshılarınan qarardıń orınlanıwın shólkemlestiriw boyınsha rejelerin tıńlandı.