Shomanay rayonında sharwashılıq komplekslerine media-tur shólkemlestirildi
2025-07-04 09:50:00 / Media ilajlar
Shomanay rayonı hákimligi Málimleme xızmeti tárepinen rayon aymaǵındaǵı sharwashılıq kompleksleriniń jumısı menen tanıstırıw maqsetinde media-tur shólkemlestirildi. Oǵan, ǵalaba xabar quralları wákilleri, tiyisli taraw basshıları hám qánigeleri qatnastı.
Media-tur dawamında qatnasıwshılar sharwashılıq kompleksleri, sharwalarǵa kútim kórsetiw sharayatları, islep shıǵarılıp atırǵan ónimler hám olardı bazarǵa jetkerip beriw sisteması menen tikkeley tanısıw imkaniyatına iye boldı.
Ilaj dawamında sharwashılıq tarawındaǵı aldınǵı tájiriybeler, azıqlıq tayarlaw, salamat násildi qáliplestiriw, sharwalardıń salamatlıǵın qadaǵalaw boyınsha ámelge asırılıp atırǵan jumıslarǵa ayrıqsha itibar qaratıldı.
Ótkerilgen media-tur sharwashılıq tarmaǵınıń ashıq-aydınlıǵın támiyinlew, xalıqqa tikkeley maǵlıwmat jetkeriw hám bul tarawda erisilip atırǵan jetiskenliklerdi keń jámiyetshilikke úgit-násiyatlawǵa xızmet etedi.