Xalıqaralıq avtomobil jolınıń 25 km aralıǵın cement-beton jolǵa aylandırıw jumısları dawam etpekte.
2025-06-30 10:50:00 / Ministrlik
Qaraqalpaqstan Respublikası Ministrler Keńesiniń Baslıǵı Farhod Ermanov hám Ózbekstan Respublikası Transport ministrligi janındaǵı Avtomobil jolları komitetiniń baslıǵı Jamshid Tursunov penen birgelikte respublikamızdıń Qaraózek hám Beruniy rayonları aymaǵınan ótiwshi A-380 "Ǵuzar-Buxara-Nókis-Beynew" avtomobil jolınıń 673-698 km (25 km) bólegin Aziya rawajlanıw bankiniń qatnasıwında cement-beton qaplaması menen rekonstrukciyalaw jumıslarınıń búgingi kúndegi beton qaplamasın tósew jumıslarınıń jaǵdayı menen tanıstı.
Ulıwma bahası 48,7 million dollar bolǵan joybar qurılıs jumısların sapalı alıp barıwda xalıqaralıq konsalting kompaniyaları tartılǵan bolıp, házirgi waqıtta arnawlı mashina mexanizmleri hám jumısshı-qánigeler mobilizaciyalanǵan. Bul jol xalıqaralıq tranzit imkaniyatların keńeytiw, transport aǵımın jaqsılaw jáne aydawshılar hám jolawshılar ushın qolaylı sharayatlar jaratıwǵa qaratılǵan.