Qaraqalpaqstan Respublikası Ministrler Keńesi Baslıǵınıń gezektegi kóshpeli qabıllawı Tórtkúl rayonında shólkemlestirildi.
2025-06-27 17:15:00 / Ministrlik
Búgin Ministrler Keńesiniń Baslıǵı Farhod Ermanovtıń basshılıǵında Tórtkúl rayonı “Nurota” APJ da gezektegi kóshpeli qabıllaw ótkerildi. Qabıllaw dawamında aymaqta jasawshı puqaralardıń múrájatları tıńlandı hám olardı ornında sheshiw ilajları kórildi.
Kóshpeli qabıllaw dawamında puqaralar tárepinen kóterilgen sociallıq-ekonomikalıq máseleler, atap aytqanda, jer ajıratıw, turaq jay menen támiyinlew, bántlik, jol hám infrastruktura menen baylanıslı mashqalalar hár tárepleme kórip shıǵıldı. Hár bir múrájat ayrıqsha tártipte kórip shıǵılıp, tiyisli shólkem hám juwapker basshılarǵa anıq tapsırmalar berildi.
Qabıllaw dawamında Ministrler Keńesiniń Baslıǵı múrájat etken puqaralar menen ashıqtan-ashıq sóylesip, máselelerdiń sheshiliwi boyınsha qatań qadaǵalaw ornatılatuǵının atap ótti.