"Aq keme" dem alıw orayına húrmetli miymannıń keliwi - balalarǵa kóterińki keypiyat baǵıshladı
2025-06-09 10:40:00 / Ministrlik
Sapar dawamında F.Ermanov dem alıw orayınıń bar sharayatları, balalardıń dem alıwı hám salamatlıǵın bekkemlewge qaratılǵan infrastrukturalar menen jaqınnan tanıstı. Ashıq reńlerge bay, zamanagóy qolaylıqlarǵa iye aymaq boylap sayaxat etken baslıq dem alıw ornı jámáátiniń miynetin joqarı bahaladı.
Ushırasıw barısında balalardıń kózinde jarqıraǵan quwanısh - olardıń qálbinde árman, júreginde bolsa isenim bar ekenligin ayqın kórsetti. F.Ermanov olardı ilimge, sportqa, kórkem ónerge umtılıwǵa shaqırıp, olarǵa jaqsı tileklerin bildirdi.
"Siz - biziń keleshegimizsiz. Hár birińizdiń baxıtlı, salamat hám bilimli bolıp ósiwińiz ushın barlıq sharayatlardı jaratıw - biziń minnetimiz," - dep atap ótti F.Ermanov.
Bul sapar etiw dem alıw orayınıń turmısına jıllılıq, balalarǵa bolsa umıtılmas tásirler alıp keldi.