Búgin Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı M.Axmedova óziniń jeke qabıllawın ótkerdi.
2025-06-04 11:30:00 / Ministrlik
Qabıllawda juwapker shólkemlerdiń wákilleri hám tiyisli taraw juwapkerleri qatnastı. Qabıllaw dawamında puqaralar tárepinen kóterilgen máseleler hár tárepleme úyrenilip, hár bir múrájat boyınsha ornında huqıqıy hám ámeliy járdem kórsetildi.
Qabıllaw dawamında tiykarınan bántlik, sociallıq járdem, densawlıqtı saqlaw, turaq jay menen támiyinlew, isbilermenlikti rawajlandırıw hám bilimlendiriw máseleleri boyınsha múrájatlar bildirildi. Kóplegen mashqalalar ornında sheshildi, ayırım múrájatlar boyınsha bolsa tiyisli shólkemlerge tapsırmalar berilip, orınlanıwı qadaǵalawǵa alındı.
Sonday-aq, qabıllaw dawamında mámleketimiz tárepinen hayal-qızlardı qollap-quwatlaw boyınsha alıp barılıp atırǵan reformalar, bar jeńillik hám imkaniyatlar haqqında tolıq maǵlıwmatlar berildi. Sonday-aq, hár qıylı sociallıq joybarlarda qatnasıw, ónermentshilik hám shańaraqlıq isbilermenlikti jolǵa qoyıw boyınsha usınıslar berildi.