Qaraqalpaqstanlı jaslar hám ǴXQ wákilleri "Media-klub" platforması imkaniyatları menen tanıstırıldı
2025-06-04 09:55:00 / Media ilajlar
AOKA Sanlı sawatlılıq hám media tálimdi rawajlandırıw bólimi juwapkerleri Tohir Umarov hám Rauf Sadikovlardıń Xorezm wálayatınan keyingi mánzili Nókis qalası boldı.
Jaslar menen ushırasıw hám ǵalaba xabar quralları jáne media juwapkerleri ushın ótkerilgen seminar-treningte málimleme tutınıwına qarata sın kózqarastan pikirlewdi rawajlandırıw, auditoriya menen islesiw, isenimli resurslardı ajıratıw, feyk xabarlar hám dezinformaciyalardıń tarqalıwına jol qoymaw hám basqa da áhmietli máseleler boyınsha prezentaciyalar bolıp ótti.
Sonday-aq, "Zamanagóy jurnalistikani rawajlandırıw orayı" MKSh juwapkerleri treningte qızıqlı soraw-juwaplar, oyınlar menen qatnasıwshılardıń media sawatlılıǵın arttırıwǵa xızmet etti.
Esletip ótemiz, AOKA hám "Zamanagóy jurnalistikani rawajlandırıw orayı" MKSh menen birgeliktegi ushırasıw hám treningler respublika boylap ótkeriliwi názerde tutılǵan.