Tórtkúlde paxtanı suwǵarıw boyınsha kórgizbeli seminar ótkerildi
2025-06-02 17:20:00 / Ministrlik
Tórtkúl rayonındaǵı "Namunali Timur" fermer xojalıǵında awıl xojalıǵı ámeliyatların zamanagóylestiriw hám suwdan aqılǵa muwapıq paydalanıwdı támiyinlew maqsetinde paxta maydanların nátiyjeli suwǵarıw usıllarına baǵıshlanǵan kórgizbeli seminar bolıp ótti.
Oǵan, Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshayev, rayon hákimi I.Xudaybergenov, fermer xojalıqlarınıń basshıları hám taraw juwapkerleri qatnastı.
Seminarda suw resurslarınan aqılǵa muwapıq paydalanıw, házirgi zaman suwǵarıw texnologiyaların engiziw máseleleri talqılandı. Qatnasıwshılarǵa ónimdarlıqtı arttırıw menen birge suwdı únemlewge qaratılǵan ámeliy usınıslar berildi. Fermerler óz jumısın jetillistiriw ushın tikkeley qollanılıwı múmkin bolǵan usıllar menen tanıstırıldı.
Usınday seminarlar awıl xojalıǵında innovaciyalıq jandasıwlardı keńnen en jaydırıwǵa járdem beredi.