Ministrler Keńesiniń Baslıǵı F.Ermanov Qıtay elinen kelgen «Ever prosper Investment & Consulting Co. Ltd.» firma basshısı Chen Gang menen ushırastı
2025-05-22 16:45:00 / Ministrlik
Ministrler Keńesiniń Baslıǵı F.Ermanov Qıtay elinen kelgen «Ever prosper Investment & Consulting Co. Ltd.» firma basshısı Chen Gang menen ushırastı
Qaraqalpaqstan Respublikası Ministrler Keńesiniń Baslıǵı F.Ermanov Xojeli rayonı aymaǵında «Jaslar sociallıq-ekonomikalıq orayı» proektiniń qurılısı boyınsha Qıtay elinen kelgen «Ever prosper Investment & Consulting Co. Ltd.» firma basshısı Chen Gang menen birgelikte kelisimge qol qoyıstı.
Bunda, proektte keltirilgen jumıslardıń óz waqtında ámelge asrılıwı, qurılıs tarawında jańa texnologiyalardan paydalanǵan halda zamanagóy imaratlardıń boy tiklewi, jańadan qurılatuǵın zavod hám kárxanalarǵa ekologiyanıń turaqlasıwı ushın jasıl energetikadan paydalanıw, sol qatarı kadrlardı qayta tayarlaw hám de xalıqtıń jumıssızlıq dárejesin páseytiw máseleleri kórip shıǵılǵan.
Sonday-aq, elimizdiń sociallıq-ekonomikalıq rawajlanıwın turaqlastırıw boyınsha sóylesiwler alıp barıldı.