AI Hackathonına start berildi
2025-05-14 08:35:00 / Ministrlik
AI Hackathonına start berildi
Qaraqalpaqstan Respublikası Ministrler Keńesi, Sanlı texnologiyalar ministrligi Qaraqalpaqstan Respublikası aymaqlıq basqarması, IT Park, UZINFOCOM Birden-bir integratorı hám Jaslar isleri agentligi tárepinen 2025-jıl 12-13-14-may kúnleri Nókis qalasında ótkerilip atırǵan AI Hackathonına start berildi.
AI Hackatonın ashıp beriw ushın Qaraqalpaqstan Respublikası Ministrler Keńesi baslıǵınıń orınbasarı B.Ótemuratov, Sanlı texnologiyalar ministrligi Qaraqalpaqstan Respublikası aymaqlıq basqarması baslıǵı T.Baekeev hám tiyisli basshılar ashıp berdi hám qatnasıwshılarǵa áwmet tiledi.
AI Hackathonda jas IT-entuziantlardan ibarat 28 komanda dizimnen ótip, jasalma intellekt texnologiyalarınan paydalanǵan halda joybarlardı ámelge asırıwda ózlerin kórsetiwi hám sıylı orınlar ushın gúres júrgiziwi kerek. AI Hackatonda medicina, awıl xojalıǵı hám energetika tarawı baǵdarında komandalar 3 kún dawamında bellesedi.