Jańa Ózbekstannıń júzine aylanatuǵın mákan
2025-04-15 11:05:00 / Ministrlik
Charvaq jaǵalawında qurılatuǵın "Sea Breeze Uzbekistan" xalıqaralıq turistlik orayı - tek ǵana milliy turizmdi rawajlandırıw emes, al Jańa Ózbekstannıń zamanagóy hám ashıq kelbetin kórsetetuǵın úlken joybarǵa aylanadı.
14-aprel kúni Prezident Shavkat Mirziyoyev joybardıń master-rejesi menen tanısıp, onıń ekonomikalıq, sociallıq hám ekologiyalıq jaqtan teń salmaqlı bolıwı kerek ekenligin atap ótti.
Kompleks 10 tematikalıq aymaqtan ibarat bolıp, zamanagóy miymanxanalar, dem alıw orınları, mádeniy hám bilimlendiriw mákemelerin qamtıp aladı. Kópirler, piyadalar jolları, qala qurılısı sheshimleri tek turistler ushın emes, al jergilikli xalıq ushın da qolaylı ortalıq jaratadı.
Bul joybar arqalı Ózbekstan xalıqaralıq turizm bazarında óz ornın bekkemlewi, mámlekettiń unamlı imidjin jáne de arttırıwı kútilmekte.