Qaraqalpaqstan Respublikası Ministrler Keńesi

Mámleketimizde ámelge asırılıp atırǵan keń kólemli reformalar procesinde túrli tarawlarda júz berip atırǵan korrupciyalıq kórinistegi huqıqbuzarlıqlar mámlekettiń jedel pátlerdegi sociallıq-ekonomikalıq rawajlanıwına ayrıqsha qáwip tuwdırıp atırǵan qáwip-qáterlerden biri bolıp esaplanadı. Mámleketlik uyımlar, mákeme, kárxana xızmetkerleriniń huqıqıy sawatlılıǵın hám mádeniyatın arttırıw, olarda huqıqbuzarlıqlardıń hár qanday kórinisine, birinshi gezekte, korrupciyaǵa qarsı múnásibetti qáliplestiriw boyınsha Qaraqalpaqstan Respublikası Ministrler Keńesiniń Korrupciyaǵa qarsı ishki qadaǵalaw bólimi baslıǵı B.Mátmuratov hámde Bas prokuratura janındaǵı Ekonomikalık jınayatlarǵa qarsı gúresiw departamenti Qaraqalpaqstan Respublikası basqarmasınıń bólim baslıǵı R.Sadıqov qatnasıwında Prezident Shavkat Mirziyoyevtıń usı jıldıń 5-mart kúni “Korrupciyanıń aldın alıw boyınsha jumıslardıń nátiyjeliligi hám aldaǵı tiykarǵı wazıypalar”ǵa arnalǵan Korrupciyaǵa qarsı gúresiw Milliy keńesindegi bayanatında belgilengen wazıypa hám tapsırmalardıń mazmun áhmiyetin túsindiriwge hám pikirlesiwge qaratılǵan oqıw-seminari bolıp ótti Onda korrupciyaǵa qarsı gúresiw, korrupciyalıq jaǵdaylardıń aldın alıw boyınsha keń kólemli túsindiriw jumısları alıp barıldı. Seminarda korrupciyadan awlaq ortalıq jaratıw boyınsha jumıslarǵa tolıq baha berildi hámde aldaǵı wazıypalardı anıq belgilep alıw zárúrligi atap ótildi.