Qaraqalpaqstan Respublikası Ministrler Keńesi

Dáslep Press-tur qatnasıwshıları rayondaǵı bir neshe shańaraqlarǵa barıp, xalıqtıń óz qıytaq jerlerinde qanday diyqanshılıq etip atırǵanı menen jaqınnan tanıstı. Rayonnıń " Cho‘pon " MPJ aymaǵında Sayxunabad tájiriybesi tiykarında óz úyindegi qıytaq jerinen nátiyjeli paydalanıp otırǵan hám nálshilik hám baǵshılıqtı jolǵa qoyǵan Nurimov Ismayıl hám "Paxtachi" MPJ aymaǵında óz qıytaq jerinde pal hárreshilik, baǵshılıq hám kir sabın islep shıǵarıwdı jolǵa qoyǵan. Jumaniyazov Xudayar shańaraqlarında bolıp shańaraq iyeleriniń búgingi kúnde Prezidentimiz tárepinen jaratılıp atırǵan hár bir imkaniyattan únemli paydalanǵan halda úy aldı qıytaq jerlerinde ónimler jetistirip xalqımız dasturxanına mol ónim jetkerip qoymastan, shańaraǵınada qosımsha dáramat alıp kelmekte. Tájriybeli diyqanlardan biri óz tájiriybesi menen ortaqlasıp, qıytaq jerde egin egiw hám tárbiyalaw boyınsha bahalı usınısların da aytıp ótti. Keyingi mánzil " Cho‘pon " MPJ aymaǵında 35 jasar isbilermen Sanjar Alimov tárepinen tiykar salınǵan OK “MUSLIMBEK PAYPOQLARI” shulıq islep shıǵarıw joybarı menen tanısıw boldı. Rayon sanaatı sońǵı jılları jedel rawajlanbaqta. Ásirese, kishi hám orta biznes subektleriniń jumısı sezilerli dárejede artqan. Jaratılıp atırǵan jeńilliklerden nátiyjeli paydalanǵan 35 jasar isbilermen Sanjar Alimov óz úyinde shulıq islep shıǵarıw cexın iske qosqan. Gezektegi mánzilde de bizlerdiń jas diyqanlarımız "Paxtachi" MPJ aymaǵında Xadjibaev Mirza tárepinen Sayxunabad tájiriybesi tiykarında ijaraǵa alınǵan jer maydanlarınıń 20 sotıx jer maydanında ıssıxana shólkemlestiriw joybarı menen tanıstı. Sonday-aq, usı máhállede jasaytuǵın jáne bir jas diyqan Rozmetov Anvar úyindegi qıytaq jerinen nátiyjeli paydalanıp ıssıxanada limon jetistiriwdi jolǵa qoyǵan jas diyqanımız zamanagóy tamshılatıp suwǵarıw texnologiyaları járdeminde mol ónim alıwdı niyet etken. Prezidentimiz tárepinen jaratılıp atırǵan bunday imkaniyatlardan jas diyqanlarımız minnetdar. Kúnniń ekinshi yarımında Press-tur qatnasıwshıları Ellikqala rayonında sociallıq-ekonomikalıq rawajlanıw processlerin sáwlelendiriw maqsetinde shólkemlestirilgen press-tur sheńberinde ǵalaba xabar qurallarınıń wákilleri rayondaǵı áhmiyetli joybarlar menen jaqınnan tanıstı. "Sarabiy" APJ aymaǵında "GRACEFUL MEBEL" JShJ tárepinen mebel hám temir esik, dárwaza islep shıǵarıw kárxanasına barıp, usı joybar menen tanıstı. Qapı, mebel hám temir esik, ónimlerin islep shıǵarıw kárxanası jergilikli isbilermenliktiń rawajlanıp atırǵanın kórsetetuǵın joybarlardan biri bolıp esaplanadı. Kárxanada zamanagóy texnologiyalar tiykarında hár qıylı ólshem hám dizayndaǵı metall dárwazalar islep shıǵarıladı. Ónimler tek ǵana jergilikli mútájlik ushın emes, al basqa da aymaqlarǵa da jetkerip berilmekte. Sonday-aq, usı máhálledegi jáne bir iri obekt "ELLIKQAL'A OLTIN TOLASI KLASTERI" JShJ tárepinen ámelge asırılıwı belgilengen tigiwshilik fabrikasın shólkemlestiriw joybarı menen de jaqınnan tanıstı.