Ózbekstan Respublikası Prezidentiniń “2025 jılda Respublika máhellelerinde qáwipsiz ortalıqtı jaratıw hám huqıq buzarlıqlardıń ѳz waqtında aldın alıw sistemasınıń nátiyjeliligin jáne de arttırıw is-ilajları haqqında”
2025-02-04 10:25:00 / Media ilajlar
Ózbekstan Respublikası Milliy gvardiyası Sárkardası R.Djuraev basshılıǵında hám Qaraqalpaqstan Respublikası Ministrler Keńesiniń Baslıǵı F. Ermonov qatnasıwında bolıp ótken jıynalısta, Prezident administraciyasi wákilleri, Respublika isshi topar aǵzaları, ministrlik hám shólkemlerdiń juwapker qánigeleri hám de sektor basshıları menen birgelikte ámelge asırılıp atırǵan jumıslar kórip shıǵılıp, ámeldegi máseleler hám olardıń sheshimleri haqkında barlıq juwapker basshılar aldına anıq wazıypalar belgilenip alındı. Isshi-topar aǵzalarınıń dáslepki ʏyreniw jumısları Nókis qalası, Taxtakópir, Qoraózek, Shımbay, Ámiwdárya hám Shomanay, Kanlıkol rayonlarında alıp barılıp, onda tiykarǵı itibar usı qararǵa muwapıq, hár bir aymaqtaǵı kriminogen jaǵdayı awır máhelleler kesiminde islep shıǵılǵan «Jol kartaları» hám olardıń ámeliy orınlanıwına qaratıldı. Sonday-aq, ʏgit-násiyat profilaktikası sistemasınıń nátiyjeliligin asırıwǵa, xalıqtıń bándligin ásirese hayal-qızlar hám jaslardıń jumıs penen támiyinlewine, mekteplerdegi qatnasıq máselesi hám de kiberjinayatshılıqtıń aldın alıw máselesi boyınsha zárúrli wazıypalar orınlanıw barısı úyrenilip, aymaqlarǵa juwapker sektor basshılarınıń doklatları tıńlandı.
Qaraqalpaqstan Respublikası boylap ótken jılda jʏz bergen jınayatlar hár bir máhállede kriminogen jaǵdaydı turaqlılastırıw boyınsha, atap aytqanda Respublikanıń 17 qala hám rayonlarındaǵı “qızıl” hám “sarı” taypaǵa kiritilgen máhellelerge Milliy gvardiya, prokuratura, ishki isler organları hámde basqa da shólkemlerden biriktirilgen juwapker basshılar tárepinen Qararda belgilengen wazıypalardıń ámeliy orınlanıwı barısınan qala hám rayon, sonday-aq, máhellelerdiń ózgesheliklerinen kelip shıqqan halda mánzilli jumıslar jolǵa qoyılmaqta.
Isshi topar aǵzaları quramında bolǵan IIV Akademiyası baslıǵı basshılıǵıdaǵı professor - oqıtıwshılar tárepinen ilimiy jantasıwlar tiykarında, kriminogen jaǵdayı awır aymaqlardaǵı huqıqbuzarlıqlardıń tiykarǵı kelip shıǵıw sebeplerin anıqlaw hám onı toqtatıwǵa, sonıń menen birge jámiyetlik orınlarda, puqaralardıń turaqlı jasaw ʏylerinde qáwipsiz ortalıqtı jaratıwǵa, puqaralardıń turmısı, salamatlıǵı, olardıń mal-múlkine bolǵan hár qıylı buzǵınshı háreketlerdiń aldın alıw máhelle jetilikleri hám de jámiyetshiliktiń óz-ara birge islesiw jumısların tuwrı shólkemlestiriliwine ayrıqsha itibar qaratılıp atır.