Qaraqalpaqstanlı bir topar belsendiler “Turizm fidoyisi” kókirek belgisi menen sıylıqlandı
2024-12-30 10:10:00 / Ministrlik
Qaraqalpaqstanlı bir topar belsendiler “Turizm fidoyisi” kókirek belgisi menen sıylıqlandı
27-dekabr kúni Nókis qalasında Qaraqalpaqstanlı bir topar belsendilerdi Ózbekstan Respublikası Turizm komitetiniń “Turizm fidoyisi” kókirek belgisi menen sıylıqlaw máresimi bolıp ótti. Ilajda Qaraqalpaqstan Respublikası Ministrler Keńesiniń Baslıǵı Farxod Ermanov, Ózbekstan Respublikası Ekologiya, qorshaǵan ortalıqtı qorǵaw hám ıqlım ózgeriwi ministri Aziz Abduxakimov, Turizm komitetiniń baslıǵı Umid Shadiev, sonday-aq, ekologiya hám turizm tarawlarınıń aymaqlıq rásmiy wákilleri hámde isbilermenler qatnastı.
Ilaj dawamında Qaraqalpaqstanda turizm tarawın rawajlanıwına óziniń úlesin qosıp kiyatırǵan tómendegi mámleketlik shólkemleriniń wákilleri hámde isbilermenler “Turizm fidoyisi” kókirek belgisi menen sıylıqlandı:
Qaraqalpaqstan Respublikası Turizm basqarması baslıǵınıń orınbasarı - Kusekeev Bayram Kallibekovich
Igor Savickiy atındaǵı Qaraqalpaqstan Respublikası mámleketlik kórkem óner muzeyiniń direktorı - Mkrtıchev Tigran Konstantinovich
Jaslar isleri agentligi Qaraqalpaqstan Respublikası basqarmasınıń baslıǵı - Maxsetbaev Polat Maxsetbaevich
“AYIM TOUR” turistlik kárxanasınıń menedjeri – Taubaldieva Ayjamal Sultamuratovna
“MASSAGET” miymanxanasınıń direktorı – Djienbekova Dilfuza Daribaevna