Qaraqalpaqstan Respublikası Ministrler Keńesi

Xalıqaralıq olimpiadadan xosh xabar!!!

Aldın xabar bergenimizdey, Dúnyanıń júzden aslam medicina joqarı oqıw orınlarınıń studentleri V Xalıqaralıq olimpiada da óz bilim hám kónlikpelerin sınnan ótkerdi. (https://t.me/www_kkmi_uz/4334)

Samarqandta 13-14-dekabr kúnleri ótkerilgen, V Xalıqaralıq olimpiadaǵa Germaniya, Rossiya, Túrkiya, Ázerbayjan, Malayziya, Belarussiya, Ukraina, Qazaqstan, Qırǵızstan, Tájikstannan jigirmaǵa jaqın mámlekettiń júzden aslam universitet hám institutlarında bilim alıp atırǵan 730 dan aslam student oflayn hám 4000 ǵa shamalası onlayn formatta qatnastı.

Qatnasıwshı studentler, jáhán standart talaplarına juwap beretuǵın 7-áwlad simulyaciya robotları arqalı eki basqıshta - test sınaqları hám ámeliy tapsırmalardı orınlaw shártleri tiykarında bellesti.

Olimpiada, ózbek, rus hám inglis tillerinde alıp barıldı.

Quwanıshlısı xalıqaralıq olimpiada da Qaraqalpaqstan medicina institutınıń studentleri joqarı nátiyjelerge eristi. Olar búgin Institut prorektorlar menen ushırasıp erisilgen nátiyjeleri hám olimpiadadaǵı tásirleri menen bólisti.

Atap aytqanda olimpiada juwmaǵına muwapıq;

Abdimuratov Ernazar
II orın (Neyroxirurgiya)

Bimbetov Siypatdin
II orın (Terapevtik stomatologiya)

Sultanov Mansur
III orın (Farmakologiya)

Dalibaeva Miyrigul
III orın (Nevrologiya)

Izimbetova Shaxnoza
III orındı (Balalar stomatologiyası) iyeledi.

QMI studentler quramınan dúzilgen komanda aǵzalarına statuetka, diplom hám arnawlı nominaciyalar tapsırıldı.