Xatlaw ótkeriletuǵın aymaqlardıń reje-grafigi járiyalandı
2024-11-07 09:40:00 / Ministrlik
⚡️Xatlaw ótkeriletuǵın aymaqlardıń reje-grafigi járiyalandı
Ózbekstan Respublikasınıń 5-avgust kúni "Ózbasımshalıq penen iyelep alınǵan jer uchastkalarına hám olarda qurılǵan imarat hám obektlerge bolǵan huqıqlardı tán alıw haqqında"ǵı Nızamı qabıl etilgen edi.
Nızamǵa muwapıq ózbasımshalıq penen iyelep alınǵan jer maydanlarına qurılǵan kóshpes múlk obektlerin anıqlaw maqsetinde barlıq aymaqlarda xatlaw ótkeriledi.
Ózbasımshalıq penen iyelep alınǵan jer maydanlarında qurılǵan qurılmalarǵa huqıqlardı tán alıw processlerinde jigirmaǵa shamalas mámleketlik uyımlar arasında óz-ara elektron hújjet aylanısı hám processlerdiń ashıq-aydınlıǵın támiyinlew maqsetinde "E'TIROF" baǵdarlaması islep shıǵıldı hám 2024-2025-jılları xatlaw ótkeriltuǵın aymaqlar reje grafigi islep shıǵılıp kadastr.uz (https://kadastr.uz/) saytında járiyalandı.
Puqaralar saytqa kirip óz aymaǵında xatlaw jumısları qashan ámelge asırılatuǵının bilip alıwı múmkin. Egerde reje-grafikde puqaranıń jasaw máhellesi kórinbese, onıń máhellesi 2026-2027-jılları ótkeriletuǵın xatlaw rejesine kiritilgen boladı.