Qaraqalpaqstan Respublikası Ministrler Keńesi

Úyreniwler Ózbekstan Respublikası Prezidentiniń 2025-jıl 3-noyabrdegi "Xalıqtıń salamatlıǵın hám millet genofondın náshebentlik hám narkojınayachılıqtan nátiyjeli qorǵaw boyınsha kompleksli ilajlar haqqında"ǵı PP-207-sanlı Pármanınıń orınlanıwı sheńberinde shólkemlestirilgen.

Bul processte Ózbekstan Respublikası Prezidenti Administraciyası janındaǵı Narkotikler hám oqatar qurallardı qadaǵalaw agentliginen jumısshı topar basshısı Shavket Qayumov, jumısshı topar aǵzaları, sonday-aq, Qaraqalpaqstan Respublikası aymaqlıq komissiyasınıń aǵzaları, ministrlikler hám uyımlardıń juwapker xızmetkerleri jáne rayon hám qala hákimlikleriniń wákilleri, sonıń ishinde, rayon hákimleriniń orınbasarları videokonferencbaylanıs arqalı qatnastı.

Atap ótiw orınlı, Qaraqalpaqstan Respublikasında Milliy baǵdarlamada belgilengen tiykarǵı wazıypalardıń orınlanıwın támiyinlew boyınsha sistemalı jumıslar alıp barılmaqta. Onda hár bir basshıǵa óz baǵdarındaǵı wazıypalardı nátiyjeli ámelge asırıw hám nátiyjelilik ushın jeke juwapkershilik júklengen.

Atap aytqanda, Qaraqalpaqstan Respublikası Ministrler Keńesiniń Baslıǵı tárepinen 2026-jıl 5-oktyabr kúni "Náshebentlik hám narkojınayachılıqlardıń erte aldın alıw hám olarǵa qarsı gúresiw boyınsha 2025-2026-jıllarǵa mólsherlengen kompleksli ámeliy háreketler milliy baǵdarlaması"nda belgilengen wazıypalardıń orınlanıwın támiyinlew boyınsha 2026-jıldıń IV sheregine mólsherlengen "Jol kartası" tastıyıqlanǵan. Házirgi waqıtta onda belgilengen ilajlardıń orınlanıwı támiyinlenbekte.

Sonday-aq, jaslar arasında náshebentlik quralları hám psixotrop zatlardıń tarqalıwınıń aldın alıw maqsetinde usı jıldıń 1-31-oktyabr kúnleri kompleksli operativ-profilaktikalıq ilajlar ótkerildi.

Ilajlar sheńberinde joqarı bilimlendiriw shólkemleri, professional bilimlendiriw mákemeleri, ulıwma bilim beriw mektepleri hám máhállelerde keń kólemli úgit-násiyat jumısları shólkemlestirildi. Sonıń ishinde, dógerek sáwbetleri, ushırasıwlar hám túrli tańlawlar ótkerilip, temaǵa baylanıslı buklet, flayer hám stikerler tarqatıldı.

Bunnan tısqarı, ǵalaba xabar quralları hám sociallıq tarmaqlarda úgit-násiyatlaw materialları keńnen jarıtıldı. Náshebentlik quralları, psixotrop hám kúshli tásir etetuǵın elementlerdiń paydalanıw hám nızamsız aylanısınıń unamsız aqıbetlerin sáwlelendiriwshi qısqa metrajlı videorolikler kórsetildi.

Úyreniwler dawamında ámelge asırılǵan jumıslar, erisilgen nátiyjeler hám bar máseleler hár tárepleme tallanıp, belgilengen wazıypalardıń orınlanıwın bunnan bılay da jedellestiriw ilajları kórip shıǵılıwı belgilengen.

Tiykarǵı itibar Ózbekstan Respublikası Prezidentiniń Pármanında belgilengen wazıypalardı óz waqtında hám sapalı orınlaw, juwapker shólkemlerdiń jumısında nátiyjelilikti arttırıw jáne xalıqtı, ásirese, jaslardı náshebentlik qáwpinen qorǵawǵa qaratılmaqta.