Xalıq penen ashıq sáwbet turaqlı dawam etpekte
2026-10-26 18:30:00 / Ministrlik
Qabıllaw dawamında puqaralar ózlerin qıynap kiyatırǵan mashqalalar, bar máseleler jáne usınıs hám baslamaları menen múrájat etti. Hár bir múrájattı dıqqat penen tıńlaw, mashqalalardıń mazmun-mánisin tereń úyreniw hám olarǵa nızamlı sheshim tabıw máselelerine ayrıqsha itibar qaratıldı.
Puqaralar menen júzbe-júz sóylesiw, olardıń dárt-táshwishlerin tıńlaw hám mashqalalarına ámeliy sheshim tabıw mámleketlik uyımlar jumısınıń áhmiyetli baǵdarlarınan biri bolıp esaplanadı. Sebebi, hár bir múrájattıń artında insan táǵdiri, shańaraqtıń arzıw-niyetleri hám erteńgi kúnge bolǵan isenimi jámlengen.
Qabıllaw dawamında bildirilgen múrájatlar boyınsha tiyisli juwapkerlerge zárúr tapsırmalar berilip, olardıń orınlanıwın támiyinlew hám máselelerdi belgilengen tártipte sheshiw boyınsha wazıypalar belgilendi.
Tiykarǵı maqset — puqaralardı qıynap atırǵan mashqalalardı óz waqtında sheshiw, xalıqtıń nızamlı máplerin támiyinlew hám hár bir insannıń múrájatı itibardan shette qalmawına erisiw bolıp esaplanadı.