Qaraqalpaqstanda ximiya sanaatın rawajlandırıw perspektivaları dodalandı
2026-10-23 12:00:00 / Ministrlik
Ushırasıwda Qaraqalpaqstan Respublikasında bar bolǵan tábiyǵıy shiyki zat resurslarınan nátiyjeli paydalanıw, atap aytqanda, duzdı qayta islew hám ximiya sanaatın rawajlandırıw, bul baǵdarlarda zamanagóy texnologiyalardı engiziw hám perspektivalı investiciyalıq joybarlardı ámelge asırıw máseleleri boyınsha sóylesiwler alıp barıldı.
Tárepler duz shiyki zatın tereń qayta islew arqalı joqarı qosımsha qunlı ónimler islep shıǵarıw, jergilikli sanaat potencialın keńeytiw hám óz-ara paydalı birge islesiwdi jolǵa qoyıw imkaniyatların dodaladı. Sonday-aq, bul baǵdarda sırt el tájiriybesi hám aldınǵı texnologiyalardan paydalanıw perspektivalarına ayrıqsha itibar qaratıldı.
Ushırasıw juwmaǵında belgilengen baǵdarlar boyınsha birge islesiw imkaniyatların úyreniw hám perspektivalı joybarlardı ámelge asırıw boyınsha pikir alısıldı.
Maǵlıwmat ushın: "Nimir Chemical Group" — Pakistannıń ximiya sanaatı hám ximiyalıq ónimler islep shıǵarıw tarawında jumıs alıp barıwshı kompaniyalar toparı bolıp, 1964-jılı shólkemlestirilgen. Búgingi kúnde topar quramına "Nimir Industrial Chemicals Limited," "Nimir Resins Limited," "Nimir Chemcoats Limited" hám "Nimir Energy Limited" sıyaqlı kompaniyalar kiredi. Topar ximiyalıq shiyki zattı qayta islew, jańa túrdegi ónimlerdi ózlestiriw, zamanagóy texnologiyalardı engiziw hám jergilikli óndiris quwatlıqların keńeytiwge ayrıqsha itibar qaratadı.