Puqaralardıń múrájatları itibar orayında
2026-10-21 16:20:00 / Ministrlik
Búgin Xalıq qabıllawxanasında Ministrler Keńesi Baslıǵınıń orınbasarı V.Jollıbekov tárepinen puqaralardıń múrájatların tıńlawǵa qaratılǵan qabıllaw ótkerildi.
Qabıllaw dawamında puqaralar tárepinen bildirilgen múrájatlar, sociallıq máseleler hár tárepleme kórip shıǵıldı. Hár bir múrájattı dıqqat penen úyreniw, mashqalalarǵa sheshim tabıw hám puqaralarǵa ámeliy járdem kórsetiw máselelerine ayrıqsha itibar qaratıldı.
Sonday-aq, múrájatlarda kóterilgen máselelerdi sheshiw boyınsha tiyisli juwapkerlerge zárúr tapsırmalar berilip, olardıń orınlanıwın qadaǵalaw áhmiyetli ekenligi atap ótildi.
Bunday qabıllawlar xalıq penen ashıq pikirlesiwdi bekkemlew, puqaralardı qıynap atırǵan mashqalalardı óz waqtında anıqlaw hám olardı unamlı sheshiwdi támiyinlewde úlken áhmiyetke iye.