Gúz-qıs máwsimine tayarlıq: barlıq baǵdarlarda juwapkershilik hám qadaǵalaw kúsheytiledi
2026-10-16 18:15:00 / Ministrlik
Onda kómir rezervin qáliplestiriw hám jetkerip beriw, tábiyǵıy gaz, ishimlik suwı, elektr energiyası jáne ıssılıq támiynatınıń turaqlılıǵın támiyinlew máseleleri hár tárepleme dodalandı. Sonday-aq, xalıqtıń úylerindegi morılardı tazalaw jumısları, órt hám iyis gazinen záhárleniw jaǵdaylarınıń aldın alıw jáne barlıq tiyisli tarawlardıń gúzgi-qısqı máwsimge tayarlıq jaǵdayına ayrıqsha itibar qaratıldı.
Májiliste tiyisli taraw hám shólkemlerdiń basshıları, sonday-aq, rayon hákimleriniń orınbasarları qatnastı.
Dodalawlar dawamında máwsimdi zıyansız ótkeriw ushın bar kemshiliklerdi óz waqtında saplastırıw, kommunallıq xızmetlerdiń úzliksizligin támiyinlew, zárúr rezervlerdi qáliplestiriw jáne xalıqtıń úylerinde qáwipsizlik talaplarına ámel etiliwin qadaǵalaw áhmiyetli ekenligi atap ótildi.
Juwapker basshılarǵa belgilengen wazıypalardı óz waqtında hám sapalı orınlaw, bar mashqalalardı jedel sheshiw jáne gúzgi-qısqı máwsimge tayarlıq jumısların sistemalı túrde dawam ettiriw boyınsha tiyisli tapsırmalar berildi.