Ámiwdárya rayonında media-tur shólkemlestirildi
2026-10-12 15:40:00 / Media ilajlar
Ámiwdárya rayonında xalıqtıń bántligin támiyinlew, kámbaǵallıqtı qısqartıw, isbilermenlikti rawajlandırıw, investiciyalıq joybarlardı qollap-quwatlaw hám jańa jumıs orınların jaratıw baǵdarında ámelge asırılıp atırǵan jumıslardı keń jámiyechilikke jetkeriw maqsetinde media-tur shólkemlestirildi.
Media-tur dawamında respublikalıq hám jergilikli ǵalaba xabar qurallarınıń wákilleri, jurnalist hám xabarshılar rayondaǵı máhállelerde ámelge asırılıp atırǵan joybarlar menen jaqınnan tanıstı.
Atap aytqanda, Dárya boyı, Chaykól, Áliysher Nawayı hám Chordara máhállelerinde alıp barılıp atırǵan jumıslar, xalıqtıń bántligin támiyinlew hám isbilermenlikti rawajlandırıwǵa qaratılǵan joybarlar úyrenildi.
Ilaj dawamında jurnalistler tárepinen joybarlar haqqında foto hám videorolikler tayarlanıp, juwapkerler hám joybar qatnasıwshılarınan intervyuler alındı.
Media-tur juwmaqları boyınsha rayonda ámelge asırılıp atırǵan dóretiwshilik, bántlik hám isbilermenlik baǵdarındaǵı jumıslar ǵalaba xabar quralları arqalı keńnen sáwlelendiriledi.