Xalıq penen ashıq sáwbet turaqlı dawam etpekte
2026-10-10 10:10:00 / Ministrlik
Nókis rayonı «Aqmańǵıt» posyolkalıq puqaralar jıyınında Qaraqalpaqstan Respublikası Ministrler Keńesi Baslıǵınıń turizm, mádeniyat, mádeniy miyras hám ǵalaba kommunikaciyalar máseleleri boyınsha orınbasarı A.Kaypnazarov kóshpeli qabıllaw ótkerdi.
Qabıllaw dawamında puqaralardıń múrájat hám usınısları tıńlanıp, olardı qıynap kiyatırǵan mashqalalar boyınsha tolıq sáwbetlesti. Múrájatlarda kóterilgen máseleler tiyisli juwapkerlerdiń qatnasıwında hár tárepleme kórip shıǵıldı.
Hár bir múrájattı tereń úyreniw, bar mashqalalarǵa ámeliy sheshim tabıw hám puqaralardıń nızamlı máplerin támiyinlew boyınsha juwapkerlerge tiyisli tapsırmalar hám usınıslar berildi.
Bunday qabıllawlar xalıqtıń múrájatların tikkeley tıńlaw, mashqalalardı ornında úyreniw hám olardıń sheshimin támiyinlewde úlken áhmiyetke iye bolmaqta.