Jámiyetshilik penen ashıq sáwbetler ótkerildi
2026-10-02 10:00:00 / Ministrlik
Jámiyetshilik penen ashıq sáwbetler ótkerildi
Búgin Nókis qalasındaǵı Xalıq qabıllawxanasında Qaraqalpaqstan Respublikası Ministrler Keńesi Baslıǵınıń orınbasarı A.Allaniyazovtıń qatnasıwında puqaralar qabıllawı ótkerildi.
Qabıllaw dawamında puqaralardıń múrájat hám usınısları tıńlanıp, olardı qıynap kiyatırǵan mashqalalar boyınsha tolıq sáwbetlesti. Múrájatlarda kóterilgen máseleler tiyisli juwapkerlerdiń qatnasıwında hár tárepleme kórip shıǵıldı.
Hár bir múrájattı tereń úyreniw, bar mashqalalarǵa ámeliy sheshim tabıw hám puqaralardıń nızamlı máplerin támiyinlew boyınsha juwapkerlerge tiyisli tapsırmalar hám usınıslar berildi.
Bunday qabıllawlar xalıqtıń múrájatların tikkeley tıńlaw, mashqalalardı ornında úyreniw hám olardıń sheshimin támiyinlewde úlken áhmiyetke iye bolmaqta.