Xojeli rayonında ǵalaba xabar quralları wákilleri ushın press-tur hám press-konferenciya ótkerildi.
2026-10-02 17:45:00 / Media ilajlar
Ilaj dawamında jurnalist hám blogerlerge keyingi jıllarda salıq sistemasında ámelge asırılıp atırǵan reformalar, atap aytqanda, "Salıqshı — isbilermenge kómekshi" principi tiykarında isbilermenlerge berilip atırǵan salıq jeńillikleri hám keń imkaniyatlar kórsetip berildi.
Ushırasıda ǴXQ wákilleri Xojeli rayonı salıq inspekciyası tárepinen isbilermenlik subyektlerin qollap-quwatlaw, olardıń mashqalaların sheshiw hám iskerligin keńeytiw baǵdarında alıp barılıp atırǵan ámeliy jumıslar menen jaqınnan tanıstı.
Sonday-aq, baǵdarlamanıń dawamı sıpatında inspekciyada "Tekseriwden serviske qaray" principi tiykarında press-konferenciya shólkemlestirilip, ǵalaba xabar quralları wákillerin qızıqtırǵan barlıq sorawlarǵa qániygeler tárepinen tolıq juwaplar berildi.