Qaraqalpaqstan Respublikası Ministrler Keńesi

Onda mámleketlik hám jámiyetlik shólkemlerdiń juwaplı xızmetkerleri, puqaralıq jámiyeti institutlarınıń wákilleri, máhálle belsendileri, ǵalaba xabar qurallarınıń wákilleri qatnastı.

Ilajda juwapkerler tárepinen mámleketlik baǵdarlama sheńberinde ámelge asırılıp atırǵan jumıslar, belgilengen wazıypalardıń orınlanıwı, erisilgen nátiyjeler jáne bar máseleler boyınsha málimleme berildi.

Jámiyetlik tıńlaw ashıqtan-ashıq sóylesiw hám pikir alısıw ruwxında ótkerilip, qatnasıwshılar mámleketlik baǵdarlamanıń orınlanıwına baylanıslı máseleler boyınsha ózleriniń pikir-usınısların bildirdi.

Dodalawlar dawamında Jámiyetlik keńestiń jámiyetlik qadaǵalawdı ámelge asırıwdaǵı ornı, puqaralar hám jámiyetlik shólkemler menen birge islesiwdi kúsheytiw, xalıqtıń múrájatların úyreniw hám jámiyetlik pikirdi qarar qabıl etiw processlerinde esapqa alıw máselelerine ayrıqsha itibar qaratıldı.

Sonday-aq, Jámiyetlik keńestiń jumısın jáne de nátiyjeli shólkemlestiriw, onıń ashıq-aydınlıǵın hám esap beriwin támiyinlew, jámiyetshilik penen pikirlesiw mexanizmlerin jetilistiriw boyınsha usınıslar bildirildi.

Ilaj juwmaǵında mámleketlik baǵdarlama sheńberinde belgilengen wazıypalardıń sapalı orınlanıwın támiyinlew, anıqlanǵan máselelerdi saplastırıw, jámiyetlik qadaǵalawdı kúsheytiw hám Jámiyetlik keńestiń jumısın rawajlandırıw boyınsha tiyisli wazıypalar belgilep alındı.