Startap joybarlar: ideyadan ámeliy nátiyjege shekem
2026-09-25 16:10:00 / Ministrlik
Ózbekstan Respublikası Prezidentiniń 2026-jıl 11-fevraldaǵı "Startaplardı qollap-quwatlawdıń kompleksli ekosistemasın engiziw ilajları haqqında"ǵı PQ-59-sanlı qararına muwapıq Qaraqalpaqstan Respublikası Ministrler Keńesi janında shólkemlestirilgen "Startap klub" tárepinen innovaciyalıq ideyalar hám perspektivalı startap joybarlardı anıqlaw, olardı qollap-quwatlaw jáne ámeliy hám kommerciyalıq joybarlarǵa aylandırıwǵa járdem berip kelmekte.
Qaraqalpaqstan Respublikası Sawda-sanaat palatasında gezektegi "Startap klub" ushırasıwı bolıp ótti. Onda 5 perspektivalı startap joybar prezentaciyası ótkerilip, joybarlardıń ámeliy imkaniyatları hám olardı rawajlandırıw perspektivaları dodalandı.
Bul ushırasıw innovaciyalıq ekosistemanı rawajlandırıw, jas intakerlerdi qollap-quwatlaw hám ilimiy ideyalardı básekige shıdamlı biznes joybarlarǵa aylandırıw jolındaǵı jáne bir áhmietli qádem boldı.
Ushırasıw juwmaǵında isbilermenler tárepinen usınıs etilgen joybarlarǵa qızıǵıwshılıq bildirilip, olardı birge islesiw tiykarında ámelge asırıw hám qollap-quwatlaw boyınsha usınıslar alǵa qoyıldı.