Múrájatlardıń sheshimine ayrıqsha itibar qaratıldı
2026-09-11 09:35:00 / Ministrlik
Qaraqalpaqstan Respublikası Ministrler Keńesi Baslıǵınıń birinshi orınbasarı A.Shamuratovtıń qatnasıwında tastıyıqlanǵan reje-grafikke muwapıq Xalıq qabıllawxanasında gezektegi puqaralar qabıllawı ótkerildi.
Qabıllaw dawamında puqaralardıń bántlik, densawlıqtı saqlaw, bilimlendiriw, isbilermenlik hám basqa da sociallıq máselelerge baylanıslı múrájatları tıńlandı.
Hár bir múrájat boyınsha juwapker shólkemlerdiń wákillerine tiyisli tapsırma hám kórsetpeler berilip, máselelerdi nızamshılıqta belgilengen tártipte sheshiw, múrájatlardıń orınlanıwın qadaǵalaw wazıypaları belgilendi.
Puqaralardıń múrájatlarınıń óz waqtında hám nátiyjeli sheshiliwi, xalıq penen ashıqtan-ashıq sóylesiwdi bunnan bılay da kúsheytiw hám olardıń nızamlı máplerin támiyinlewge ayrıqsha itibar qaratıldı.