Qurılıs hám infrastruktura joybarlarında birge islesiw perspektivaları dodalandı
2026-09-10 11:55:00 / Ministrlik
Sóylesiw dawamında Qaraqalpaqstan Respublikasında jol hám transport infrastrukturasın rawajlandırıw, qurılıs hám injenerlik tarawındaǵı iri joybarlardı ámelge asırıw, bar infrastruktura obyektlerin rekonstrukciyalaw hám modernizaciyalaw, sonday-aq, gidrotexnikalıq obyektlerdi qurıw hám jańalaw baǵdarlarında birge islesiwdi jolǵa qoyıw máseleleri hár tárepleme dodalandı.
Tárepler aymaqta ámelge asırılıp atırǵan hám keleshektegi infrastrukturalıq joybarlarǵa sırt el kompaniyaların tartıw, zamanagóy injenerlik sheshimler hám aldınǵı tájiriybelerdi engiziw, sonday-aq, óz-ara paydalı joybarlardı birgelikte ámelge asırıw imkaniyatların kórip shıqtı.
Ushırasıwda, sonday-aq, birge islesiwdiń perspektivalı baǵdarların belgilew, joybarlardı ámelge asırıwdıń ámeliy mexanizmlerin islep shıǵıw hám keleshekte eki tárepleme baylanıslardı bunnan bılay da rawajlandırıw boyınsha pikir alısıldı.
"Saadullah Khan & Brothers" kompaniyası injenerlik-qurılıs jumısları, puqaralıq qurılısı, jol hám transport infrastrukturası, gidrotexnikalıq obyektler hám basqa da iri infrastrukturalıq joybarlardı ámelge asırıwǵa qánigelesken.
Kompaniya Pakistanda iri mámleketlik infrastruktura joybarların ámelge asırıw, sonday-aq, xalıqaralıq tenderlerde qatnasıw boyınsha úlken tájiriybege iye. Sonıń ishinde, kompaniya Swat Expressway joybarında qatnasıw ushın dáslepki qánigelik basqıshınan ótken kompaniyalar qatarınan orın alǵan.
SKB qánigeleri jol infrastrukturasın rawajlandırıw, gidrotexnikalıq obyektlerdi rekonstrukciyalaw hám basqa da iri injenerlik joybarların ámelge asırıwda tiyisli tájiriybege iye.
Ushırasıw juwmaǵında perspektivalı joybarlar boyınsha birge islesiwdi dawam ettiriw hám bar imkaniyatlardı ámeliy jaqtan úyreniw áhmiyetli ekenligi atap ótildi.