XALIQTIŃ MÚRÁJATLARI - TURAQLI ITIBARDA
2026-09-05 21:45:00 / Ministrlik
Búgin Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı M.Axmedovanıń qatnasıwında tastıyıqlanǵan reje-grafik tiykarında Xalıq qabıllawxanasında gezektegi puqaralar qabıllawı bolıp ótti.
Qabıllaw dawamında puqaralardıń múrájatları tıńlanıp, olardı qıynap kiyatırǵan máselelerge ayrıqsha itibar qaratıldı. Múrájatlarda bántlik, sociallıq qorǵaw, turaq jay, densawlıqtı saqlaw hám basqa da tarawlarǵa baylanıslı máseleler kóterildi.
Hár bir múrájat boyınsha juwapker shólkemlerdiń wákillerine tiyisli tapsırma hám kórsetpeler berilip, máselelerdi nızamshılıqta belgilengen tártipte sheshiw hám orınlanıwın támiyinlew wazıypaları belgilendi.
Puqaralardıń múrájatların óz waqtında kórip shıǵıw, olardıń nızamlı huqıqları menen máplerin támiyinlew jáne mashqalalarına ámeliy sheshim tabıw boyınsha jumıslar izbe-iz dawam ettirilmekte.