Xalıqtıń múrájatları itibarda: Ellikqala rayonında gezektegi puqaralar qabıllawı ótkerildi
2026-08-28 18:45:00 / Ministrlik
Xalıqtıń múrájatları itibarda: Ellikqala rayonında gezektegi puqaralar qabıllawı ótkerildi
Búgin Qaraqalpaqstan Respublikası Ministrler Keńesiniń Baslıǵı Farxod Ermanov tárepinen Ellikqala rayonında gezektegi puqaralar qabıllawı bolıp ótti. Onda puqaralardıń múrájatları tıńlanıp, olardı qıynap atırǵan máselelerdi sheshiw boyınsha tiyisli ilajlar belgilendi.
Qabıllaw dawamında tiykarınan bántlikti támiyinlew, medicinalıq járdem alıw, kadastr máselelerin sheshiw hám ishki jollardı jaqsılaw hám basqa da sociallıq máselelerge baylanıslı múrájatlar bildirildi. Hár bir múrájatqa juwapkerlerdiń qatnasıwında ayrıqsha itibar qaratılıp, puqaralarǵa ámeliy járdem kórsetiw, máselelerdi nızamshılıq sheńberinde unamlı sheshiw boyınsha tiyisli wazıypalar belgilendi.
Atap aytqanda, jumıs izlep atırǵan puqaralardı múnásip bántlik penen támiyinlew, medicinalıq járdemge mútáj xalıqtıń múrájatların úyreniw, kadastrǵa baylanıslı máselelerdi tártipke salıw jáne ishki jollardıń jaǵdayın jaqsılaw boyınsha juwapker shólkemlerge tiyisli tapsırmalar berildi.
Puqaralar menen tikkeley sóylesiwde olardıń mashqalaların tıńlaw hám hár bir múrájat artında turǵan máselege ámeliy sheshim tabıw máselelerine ayrıqsha itibar qaratıldı. Bunday qabıllawlar xalıqtıń múrájatların ornında úyreniw, bar mashqalalardı anıqlaw hám olardı jedel jáne nátiyjeli sheshiwdiń áhmiyetli mexanizmi sıpatında xızmet etpekte.