Ashıq sáwbet hám ámeliy sheshimler
2026-08-22 19:25:00 / Ministrlik
Ashıqtan-ashıq sóylesiw ruwxında ótken qabıllaw dawamında puqaralardıń múrájatları tikkeley tıńlanıp, olardı qıynap kiyatırǵan mashqalalar hám usınıslar hár tárepleme kórip shıǵıldı. Onda jámi 15 puqara qatnastı.
Múrájatlar dawamında xalıqtı qıynap kiyatırǵan sociallıq hám ekonomikalıq máseleler, bántlik, isbilermenlik jumısın rawajlandırıw, jer hám basqa da áhmiyetli máseleler boyınsha múrájatlar bildirildi.
Hár bir múrájat juwapkerlerdiń qatnasıwında dodalanıp, mashqalalardı nızamlı tiykarda sheshiw, puqaralardıń múrájatların itibardan shette qaldırmaw hám olardıń nátiyjeliligin támiyinlew boyınsha tiyisli wazıypalar belgilendi.
Bunday qabıllawlar xalıqtıń múrájatların tikkeley úyreniw, mashqalalarǵa mánzilli sheshim tabıw jáne mámleketlik uyımlar hám puqaralar arasında ashıq-aydın hám nátiyjeli sóylesiwdi bekkemlewde úlken áhmiyetke iye bolmaqta.