Puqaralardıń múrájatları itibarda: mashqalalardı sheshiw boyınsha ámeliy ilajlar belgilenbekte
2026-08-22 19:15:00 / Ministrlik
Qabıllaw dawamında puqaralar ózlerin qıynap kiyatırǵan mashqalalar, kúndelikli turmısında ushırasıp atırǵan máseleler hám túrli tarawlardaǵı usınıs hám múrájatları menen múrájat etti.
Atap aytqanda, bántlikti támiyinlew, kadastr hújjetlerin rásmiylestiriw, medicinalıq járdem alıw, isbilermenlik jumısın rawajlandırıw hám onı keńeytiw, jerge baylanıslı máselelerdi sheshiw boyınsha múrájatlar tıńlandı. Sonday-aq, puqaralar tárepinen basqa da sociallıq hám turmıslıq máseleler boyınsha múrájatlar bildirildi.
Hár bir múrájatqa ayrıqsha itibar qaratılıp, máselelerdiń mazmun-mánisi hár tárepleme úyrenildi. Puqaralar tárepinen kóterilgen mashqalalardı nızamlı tiykarda sheshiw, tiyisli shólkem hám juwapkerlerge anıq wazıypalar belgilew jáne orınlanıwın qadaǵalaw boyınsha tiyisli ilajlar kórildi.
Bunday qabıllawlar xalıqtıń mashqalaların tikkeley úyreniw, olardı keshiktirmesten ámeliy sheshim tabıw hám puqaralardıń mámleketlik uyımlarǵa etken múrájatlarına óz waqtında múnásibet bildiriwde úlken áhmiyetke iye bolmaqta.
Tiykarǵı maqset — hár bir múrájattıń artında insan táǵdiri hám onıń nızamlı mápleri turǵanın esapqa alǵan halda, kóterilgen máselelerge ámeliy sheshim tabıw bolıp tabıladı.