Qaraqalpaqstan Respublikası Ministrler Keńesi

Ushırasıwda Qaraqalpaqstan Respublikası Ministrler Keńesiniń Baslıǵı Farxod Ermanov, Ózbekstan Respublikası Mektepke shekemgi hám mektep bilimlendiriwi ministr orınbasarı Farxod Boqiyev, ministr másláhátshisi Sarvarxon Buzrukxonov, Qaraqalpaqstan Respublikası Ministrler Keńesi Baslıǵınıń orınbasarı Bayram Ótemuratov, Respublikalıq Ruwxıylıq hám aǵartıwshılıq orayı Qaraqalpaqstan bólimi baslıǵı Tatlımurat Atamuratov, Qaraqalpaqstan Respublikası Mektepke shekemgi hám mektep bilimlendiriwi ministri Amanjol Ayapov hám juwapker wákiller qatnastı.

Ushırasıw dawamında bilimlendiriw mákemeleriniń jańa oqıw jılına tayarlıq jaǵdayı, mekteplerde oqıwshılar ushın jaratılıp atırǵan sharayatlar, materiallıq-texnikalıq bazanı bekkemlew, aymaqlardı abadanlastırıw hám kóklemzarlastırıw jumısları dodalandı.

"Ruwxıylıq hám aǵartıwshılıq xanası"n zamanagóy talaplarǵa muwapıq bezew máselesi de kórildi.

Sonıń menen birge, Ózbekstan Respublikası Ǵárezsizliginiń 35 jıllıǵın múnásip kútip alıwǵa tayarlıq máselelerine de ayrıqsha itibar qaratıldı.

Bilimlendiriw mákemelerinde bayramǵa tán hám kóterińki ruwxtı sáwlelendiriwshi ortalıq jaratıw, aymaqlardı abadanlastırıw hám zamanagóy talaplarǵa muwapıq bezew, Ǵárezsizlik bayramı múnásibeti menen ruwxıy-aǵartıwshılıq ilajlardı mazmunlı hám joqarı dárejede shólkemlestiriw, sonday-aq, bayram keypiyatın keńnen úgit-násiyatlaw boyınsha usınıslar bildirildi.