JAŃA SHAŃARAQ - JAŃA ÚMITLER BOSAǴASI
2026-08-11 11:35:00 / Ministrlik
Ǵárezsizligimizdiń 35 jıllıǵı múnásibeti menen Ámiwdárya rayonında járdemge mútáj shańaraqlardı qollap-quwatlawǵa qaratılǵan iygilikli baslamalar ámelge asırılmaqta.
Rayon hákimi Sabır Xojametovtıń baslaması menen rayondaǵı 49 máhálleniń hár birinde birewden járdemge mútáj shańaraqtıń úyinde qurılıs-ońlaw jumısları alıp barılmaqta.
Dárya boyı máhállesinde jasawshı, "Hayal-qızlar dápteri"ne kirgizilgen Nargiza Abdiyevanıń shańaraǵında ońlaw jumısları juwmaqlanıp, shańaraq paydalanıwǵa tapsırıldı.
Ilajda simvolikalıq lenta kesilip, kvartira gilti óz iyelerine tapsırıldı. Jańa shańaraqta jaqsı tilekler hám jaqsı duwalar jańladı.
Bir shańaraq abat bolsa, bir shańaraq qálbine quwanish kiredi.
Házirgi waqıtta bunday iygilikli jumıslar rayondaǵı barlıq máhállelerde dawam etpekte.