Puqaralardıń múrájatları — ámeliy sheshim hám itibar orayında
2026-08-08 18:40:00 / Ministrlik
Qabıllaw dawamında puqaralardıń múrájatları tıńlanıp, olardı qıynap kiyatırǵan máselelerdi nızamlı hám ámeliy jaqtan sheshiw boyınsha tiyisli juwapkerlerge anıq tapsırma hám kórsetpeler berildi.
Gezektegi qabıllawda 23 puqara qatnasıp, olar tárepinen túrli baǵdarlardaǵı mashqalalar hám usınıslar bildirildi.
Atap aytqanda, puqaralar tárepinen tólem-kontraktın ámelge asırıwda ámeliy járdem kórsetiw, bank kreditleri, jer máseleleri, turaq jaylardı ońlaw, kadastr hújjetlerin rásmiylestiriw, isbilermenlik jumısın rawajlandırıw hám basqa da sociallıq-turmıslıq máseleler boyınsha múrájatlar bildirildi.
Hár bir múrájat ayrıqsha kórip shıǵılıp, máselelerdi úyreniw hám belgilengen tártipte unamlı sheshiw ilajların kóriw boyınsha juwapker shólkem hám juwapkerlerge tapsırmalar berildi.
Puqaralar menen tikkeley sóylesiw, olardıń mashqalaların ornında úyreniw hám sheshim tabıw - xalıqtıń mámleketlik uyımlarǵa bolǵan isenimin bekkemlew, múrájatlardıń artqa qaldırılmastan ámeliy nátiyje menen juwmaqlanıwın támiyinlewde úlken áhmiyetke iye bolmaqta.
Bunday qabıllawlar arqalı puqaralardıń múrájatları tek ǵana tıńlanıp qalmastan, hár bir másele boyınsha anıq sheshim hám juwapkershilik belgilenbekte.