Qaraqalpaqstanda futboldı bunnan bılay da rawajlandırıw máseleleri dodalandı
2026-08-03 10:00:00 / Ministrlik
Sóylesiw dawamında Qaraqalpaqstan Respublikasında futbol infrastrukturasın bunnan bılay da jetilistiriw, aymaqta futbol ǵalabalıǵın bunnan bılay da arttırıw, balalar-jas óspirimler, hayal-qızlar futbolın rawajlandırıw hám qábiletli jaslardı tańlap alıw, bar imkaniyatlardan nátiyjeli paydalanıw hám keleshektegi joybarlardı birgelikte ámelge asırıw boyınsha pikir alısıldı.
Tárepler aymaqta futboldı rawajlandırıwǵa qaratılǵan baslamalardı izbe-iz dawam ettiriw, jas áwlad ushın múnásip sharayatlardı keńeytiw hám zamanagóy infrastruktura joybarların ámelge asırıw áhmiyetli ekenligin ayrıqsha atap ótti.
Ilaj sheńberinde Ózbekstan futbolın rawajlandırıw hám qollap-quwatlaw jolındaǵı múnásip úlesi ushın Rasul Polatovich Zarikeev Ózbekstan futbol associaciyasınıń "Ózbekstan futbolınıń rawajlanıwına qosqan úlesi ushın" kókirek belgisi menen sıylıqlandı.