Taqıyatasta Qaraqalpaqstan Respublikası Ministrler Keńesi Baslıǵınıń orınbasarı R.Zarekeevtiń kóshpeli qabıllawı bolıp ótti
2026-07-29 09:30:00 / Ministrlik
Taqıyatas rayonı "Shamshıraq" máhálle puqaralar jıyını aymaǵında xalıqtıń múrájatların tıńlaw hám olarǵa operativ sheshim tabıw maqsetinde gezektegi kóshpeli qabıllaw shólkemlestirildi.
Bul qabıllaw Qaraqalpaqstan Respublikası Ministrler Keńesi Baslıǵınıń turizm, mádeniyat, mádeniy miyras hám ǵalaba xabar quralları máseleleri boyınsha orınbasarı R.Zarekeev basshılıǵında hám de rayon hákimligi hám taraw juwapkerleriniń qatnasıwında ótkerildi.
Kóshpeli qabıllaw dawamında puqaralardıń bántlik, jeńilletilgen kredit ajıratıw, turaq jaydı ońlaw hám turaq jay qurıw ushın jer maydanı ajıratıw sıyaqlı máselelerge baylanıslı múrájatları hár tárepleme kórip shıǵıldı. Hár bir múrájatshınıń máselesi jeke tártipte úyrenilip, unamlı sheshiw boyınsha juwapkerlerge múddetli wazıypalar júklendi.