Hár bir múrájat itibarda: Ministrler Keńesiniń Baslıǵı puqaralar menen ashıq pikirlesiw ótkerdi
2026-07-27 09:20:00 / Ministrlik
Qabıllaw dawamında puqaralar tárepinen bántlikti támiyinlew, kadastr hújjetlerin rásmiylestiriw, awıl xojalıǵı tarawındaǵı mashqalalar, turaq jay menen baylanıslı máseleler hám basqa da sociallıq áhmiyetke iye múrájatlar bildirildi.
Hár bir múrájat hár tárepleme kórip shıǵılıp, tiyisli ministrlikler hám uyımlardıń basshılarınıń qatnasıwında dodalandı. Orınlarda sheshiliwi múmkin bolǵan máseleler boyınsha ámeliy sheshimler belgilendi, qosımsha úyreniwdi talap etetuǵın múrájatlar bolsa juwapker shólkemlerge orınlanıwı boyınsha anıq tapsırmalar berilip, qadaǵalawǵa alındı.
Puqaralardıń múrájatların óz waqtında hám sapalı sheshiw, olardıń huqıqları menen nızamlı máplerin támiyinlew mámleketlik uyımlar jumısınıń tiykarǵı baǵdarlarınan biri bolıp qalmaqta. Usı maqsette bunday ashıq qabıllawlar turaqlı túrde shólkemlestirilip, xalıqtı oylandırıp atırǵan mashqalalardı saplastırıw boyınsha sistemalı jumıslar izbe-iz dawam ettirilmekte.